Галоўная / закон крэатыву: фармат якасці
закон крэатыву: фармат якасці № 31 / 951 за 2010-07-31
Стратэгіі этнакоду: “адчуць крылы” або чакаць штуршка?
За “круглым сталом” “К”: пра ўрокі і перспектывы VІ Рэспубліканскага фестывалю фальклорнага мастацтва “Берагіня”
Тэма адраджэння, захавання і пераемнасці традыцыйнай культуры, праблемы этнавыхавання моладзі становяцца рэгулярнай нагодай для нашых публікацый. Стратэгія развіцця Рэспубліканскага фестывалю фальклорнага мастацтва “Берагіня”, канцэпцыі фарміравання асобы, выхаванай на традыцыях культуры, працэс захавання спадчыны ў сучасных умовах — такое праблемнае поле абмяркоўвалася за “круглым сталом” у рэдакцыі газеты “Культура”. У аналізе вынікаў “Берагіні” прынялі ўдзел намеснік міністра культуры Рэспублікі Беларусь, старшыня аргкамітэта фестывалю Тадэуш СТРУЖЭЦКІ; старшыня Нацыянальнай камісіі Рэспублікі Беларусь па справах UNESCO Уладзімір ШЧАСНЫ; аўтар ідэі “Берагіні”, навуковы і мастацкі кіраўнік фестывалю Мікалай КОЗЕНКА; старшыня Беларускага фонду культуры Уладзімір ГІЛЕП; прафесар культуралогіі Беларускага дзяржаўнага педагагічнага універсітэта імя Максіма Танка Аляксей РАГУЛЯ; начальнік аддзела інавацыйных тэхналогій у сацыяльна-культурнай дзейнасці Інстытута павышэння кваліфікацыі і перападрыхтоўкі кадраў Беларускага дзяржаўнага універсітэта культуры і мастацтваў Ала СТАШКЕВІЧ; балетмайстар-пастаноўшчык Беларускага дзяржаўнага заслужанага харэаграфічнага ансамбля “Харошкі”, дацэнт кафедры рэжысуры БДУКіМ Мікалай ДУДЧАНКА; намеснік дырэктара Нацыянальнага цэнтра мастацкай творчасці дзяцей і моладзі Кацярына КУЗЬМЕНКА; галоўны спецыяліст аддзела культуры Любанскага райвыканкама Сяргей ВЫСКВАРКА; намеснік дырэктара Вілейскай гімназіі № 2 Мінскай вобласці Мікалай ІВАНЕНКА; дырэктар Пратасевіцкай ДШМ Магілёўскай вобласці Наталля ЕЎДАКІМОВІЧ; галоўны дырэктар Дырэкцыі замежнага вяшчання Беларускага радыё Навум ГАЛЬПЯРОВІЧ; рэдактары аддзелаў газеты “Культура” Таццяна КОМАНАВА і Яўген РАГІН.
Мерапрыемства, арганізаванае ў рамках прэзентацыі магчымасцей будучага Інфармацыйнага цэнтра на базе Рэдакцыйна-выдавецкай установы “Культура і мастацтва”, сабрала таксама прадстаўнікоў шэрагу друкаваных і электронных СМІ.
Далей
|
№ 30 / 950 за 2010-07-24
Ці вырасцена "тусоўцы" прафесіянал?
Чым "культур"-трэнер адрозніваецца ад трэнера спартыўнага?
Райвыканкамаўская “лятучка” з “К”
Адраджэнне і развіццё сяла: сацыякультурны зрэз
Уздзенскі раён Мінскай вобласці — той куточак нашай радзімы, дзе нарадзілася шмат вядомых беларускіх літаратараў: Кандрат Крапіва, Паўлюк Трус, Лідзія Арабей... Да ўсяго, на належным узроўні ў горадзе ды раёне працуе і шэраг устаноў культуры. Сярод іх — Уздзенская дзіцячая школа мастацтваў, гарадскі кінатэатр “Кастрычнік”… Але хапае тут і праблем. Галоўная раённая ўстанова культуры — Уздзенскі РЦК — размешчана… у будынку XVIII стагоддзя, былым каталіцкім храме. Натуральна, гэта не спрыяе клубнаму развіццю: яшчэ колькі гадоў таму ў РЦК было забаронена правядзенне масавых мерапрыемстваў, а будынак быў прызнаны аварыйным. І цяпер усе ўздзенцы ходзяць на ўрачыстыя пасяджэнні ды і на танцавальныя вечары ў… гарадскі кінатэатр. Хапае нявырашаных пытанняў і ў мясцовых бібліятэкараў: будынак цэнтральнай бібліятэкі горада, узведзены яшчэ ў 1947 годзе, не надта прыдатны для наведвальнікаў: малыя плошчы і патрэба рамонту тут — навідавоку. Як у ЦБ, так і па ўсёй Уздзенскай ЦБС ды ў сельскіх дамах культуры не стае сучаснай камп’ютэрнай тэхнікі, а таксама — высокакваліфікаваных спецыялістаў, здольных зацікавіць сваімі крэатыўнымі захадамі мясцовую моладзь...
Далей
|
№ 29 / 949 за 2010-07-17
Каб пайшоў на лад сённяшні штатны расклад
Райвыканкамаўская "лятучка" з "К": канцэпцыя каардынацыі намаганняў у Касцюковічах
Летась аддзел культуры Касцюковіцкага райвыканкама стаў лепшым на Магілёўшчыне: фінансаванне сферы ў пераліку на жыхара раёна склала 3,8 базавай велічыні пры нарматыве сацыяльнага стандарту - 1,5; план аказання платных паслуг выкананы ў супастаўных цэнах на 120 працэнтаў... Дынаміка росту прасочваецца ў фінансава-эканамічных, матэрыяльна-тэхнічных і творчых паказчыках. У раёне пятнаццаць творчых калектываў маюць званні "народны" і "ўзорны". А кінавідэацэнтр стане неўзабаве асновай для стварэння рэгіянальнага тэлебачання...Канстатацыя фактаў - невыпадковая. Іх шматзначнасць пераконвае: начальнік мясцовага аддзела культуры Мікалай Тыманюк ясна бачыць перспектывы развіцця, а значыць - і праблемы, якія замінаюць гэтаму руху ў рэгіёне. Не першы год у раёне выношваецца ідэя стварэння ў Касцюковічах філіяла Магілёўскага каледжа мастацтваў, што стане сапраўдным кадравым выратаваннем для шэрагу ўсходніх рэгіёнаў Беларусі. Стрымліваюць выніковасць працы і тыпавыя штаты, якія даўно маральна састарэлі і не адпавядаюць сённяшнім патрабаванням эканамічна-творчай мэтазгоднасці. Неадкладнасць вырашэння гэтых і іншых пытанняў сталі галоўнай тэмай гутаркі на райвыканкамаўскай "лятучцы" з "К".
Далей
|
№ 27 / 947 за 2010-07-03
Знайсці свой стрыжань для раённага музея Установа, што зберагае Памяць і глядзіць у будучыню
Райвыканкамаўская “лятучка” з “К”
Адраджэнне і развіццё cяла: сацыякультурны зрэз
Памяць пра Подзвіг усяго народа — у помніках, абелісках, музеях баявой славы, выставачных музейных залах. Менавіта пра дзейнасць музеяў Ганцавіцкага раёна ў справе захавання памяці пра Вялікую Айчынную вайну і наогул — у дзейнасці па вывучэнні роднага краю і пойдзе гаворка ў артыкуле. А пісаць ёсць пра што. У раёне, акрамя Краязнаўчага музея, ёсць Музей баявой славы Паўла Зуйкевіча. І калі ў першай ўстанове ваенным гадам адведзены толькі адзін стэнд, дык у Музеі баявой славы, што знаходзіцца ў вёсцы Лактышы, экспазіцыя больш багатая, разнастайная і распавядае не толькі пра жыццёвы ды баявы шлях разведчыка, але і пра старонкі вызвалення краю.
Зрэшты, перад намі — сапраўды рэдкі выпадак, калі раён мае адразу дзве значныя музейныя ўстановы, запатрабаваныя і мясцовымі жыхарамі, і гасцямі Ганцавіччыны, прычым кожная з іх вядзе свой кірунак захавальніцкай і даследчыцкай дзейнасці. Як ім зрабіць свой акцэнт у вывучэнні роднага краю і выхаванні сваімі сродкамі моладзі? У гэтым паспрабаваў разабрацца ў час камандзіроўкі.
Далей
|
№ 26 / 946 за 2010-06-26
Грашовая планка ў цэнтры бізнес-плана
Чым жыве сённяшняя сельская бібліятэка? Якім бачыцца яе заўтрашні дзень? Адказы на гэтыя больш чым злабадзённыя пытанні “К” імкнецца даваць на сваіх старонках рэгулярна. Такая ўвага да развіцця бібліятэчнай справы мае, безумоўна, канкрэтнае тлумачэнне: бібліятэкары валодаюць інфармацыяй, а гэта выводзіць на шэраг функцый у жыцці грамадства, якія, акрамя непасрэдна кнігавыдачы, яны выконваюць ва ўмовах рэгіёна. Гаворка тут не толькі пра пашырэнне сферы духоўнага ўплыву на чытача, але — аб сістэмнай дзейнасці ў новых эканамічных умовах. 18 чэрвеня мы чарговы раз паспрабавалі прааналізаваць стан бібліятэчнага абслугоўвання насельніцтва. Зрабілі гэта ў традыцыйным фармаце рэдакцыйнага “круглага стала”. Удзел у абмеркаванні бралі намеснік начальніка ўпраўлення ўстаноў культуры і народнай творчасці Міністэрства культуры Рэспублікі Беларусь Уладзімір ШЫШКІН, дырэктар Нацыянальнай бібліятэкі Беларусі Раман МАТУЛЬСКІ, дырэктар Светлагорскай ЦБС Людміла ДАДАЛКА, загадчык аддзела маркетынгу Бярозаўскай ЦБС Ала ДРАГАН, загадчык сельскай бібліятэкі аграгарадка “Лань” Нясвіжскага раёна Алена ТАРАСЕВІЧ, рэдактар аддзела газеты “Культура” Яўген РАГІН і яе спецыяльны карэспандэнт Юрый ЧАРНЯКЕВІЧ.
Далей
|
№ 25 / 945 за 2010-06-19
Жыллё ёсць. А навучаюць — у лазні?
У свой час Кармянскі раён Гомельскай вобласці моцна пацярпеў ад катастрофы на Чарнобыльскай АЭС: пасля 1986 года тут было адселена, а пасля ліквідавана 29 населеных пунктаў, зменшылася колькасць як гарадскога, так і сельскага насельніцтва. Натуральна, культурнае абслугоўванне жыхароў Кармяншчыны заўсёды знаходзіцца пад пільнай увагай як раённага, так і абласнога кіраўніцтва. У гэтым "К" пераканалася яшчэ два гады таму, калі нашы карэспандэнты наведвалі раён. Тады газета даволі падрабязна асвятліла стан устаноў культуры гарадскога пасёлка, а таксама шэрагу СДК у аграгарадках. Амаль усюды нашы карэспандэнты заспявалі рабочых з будаўнічых арганізацый: рамонт быў у самым разгары. Праца вялася згодна з дзяржаўнымі праграмамі адраджэння і развіцця сяла, развіцця малых і сярэдніх гарадскіх паселішчаў... Сённяшні плён - відавочны: адрамантаваны цэнтральная бібліятэка гарадскога пасёлка, шэраг дамоў культуры і бібліятэк у аграгарадках, адкрыты раённы Мемарыяльны музей Панцеляймона Лепяшынскага ў вёсцы Літвінавічы. Але з 2007 года доўжыцца і пакуль яшчэ не завяршыўся капітальны рамонт гарадскога Цэнтра культуры і дасугу: адрамантаваны толькі танцавальная зала і некалькі кабінетаў на другім паверсе. У чаканні будаўнікоў - гарпасялковая дзіцячая бібліятэка і дзіцячая школа мастацтваў. Слабая матэрыяльная база сталася, пэўна, і адной з прычын таго, што ў раёне не хапае шэрагу спецыялістаў, ёсць вакантныя месцы ў сельскіх дамах культуры. І ў гарадскім пасёлку, і пад час паездкі па раёне пытаўся ў мясцовых жыхароў, як яны ацэньваюць стан культурнага асяроддзя сваіх паселішчаў. Натуральна, як набыткі, так і пэўныя праблемныя моманты развіцця культурнай сферы- навідавоку. Таму адказы людзей былі даволі канкрэтныя і закраналі разнастайныя бакі культурнага жыцця Кармяншчыны.
Далей
|
№ 24 / 944 за 2010-06-12
“Прадаць” натхненне з гарантаваным прыбыткам
Хіт-парад платных паслуг: "рэцэпты" з Дуброўна
Райвыканкамаўская “лятучка” з “К”
Самадастатковасць аддзела культуры: эканамічны вектар развіцця
Будынак колішняга бернардзінскага кляштара знаходзіцца на балансе Дубровенскага аддзела культуры.
Далей
|
№ 23 / 943 за 2010-06-05
На сенажаць “з Радзівіламі” без рэкламы не трапіш
Зусім нездарма асноўная тэма, якая цікавіла журналіста “К” у гэтай камандзіроўцы, — развіццё турызму ў такім прывабным для вандроўніка рэгіёне, як Нясвіжшчына, і, натуральна, унёсак мясцовага аддзела культуры ў агульнатурыстычную “скарбонку” краю. Шмат у гэтым накірунку зроблена, шмат плануецца зрабіць. Цікава і тое, што, у адрозненне ад іншых рэгіёнаў, на турыстычных паслугах збіраюцца зарабляць — і ўжо зарабляюць — не толькі мясцовыя клубнікі, а і бібліятэкары.
Зрэшты, Нясвіжшчына — край старадаўні і багаты на гістарычныя цікавосткі, якія заўсёды вабяць да сябе айчынных ды замежных турыстаў. Чаго варты толькі адзін Радзівілаўскі палац з паркам! А калі вандроўнік пабачыць старажытны касцёл, над чыёй вытанчанасцю дбаў Джавані Марыя Бернардоні, а таксама выйдзе ў гарадскі цэнтр, да ўзноўленай ратушы, дык зразумее, што Нясвіж — сапраўдны еўрапейскі горад са своеасаблівым каларытам, у які немагчыма не ўлюбіцца пасля першага ж наведання.
Далей
|
№ 22 / 942 за 2010-05-29
Калі няма ўстановы, або Як заняць 25 ставак
Райвыканкамаўская “лятучка” з “К”
Адраджэнне і развіццё cяла: сацыякультурны зрэз
Гэтым разам шлях камандзіроўкі нашага карэспандэнта пралягаў на Брэстчыну. А менавіта — у Камянецкі раён, дзе, згодна з Дзяржаўнай праграмай адраджэння і развіцця сяла, плануецца да канца года ўвесці тры аграгарадкі. І тады іх у раёне будзе ўжо семнаццаць. Я праехаў па некаторых паселішчах раёна, паглядзеў на адрамантаваныя дамы культуры і сельскія бібліятэкі. Да гонару кіраўніцтва аддзела культуры мушу зазначыць, што пабачыў не “пацёмкінскія” вёскі, а тыя аграгарадкі, маршрут у якія выбіраў самастойна. Таму і змог на свае вочы пабачыць і, наколькі гэта магчыма за час паездкі па раёне, унікнуць у шматлікія праблемы культработнікаў. А хвалююць іх, найперш, як пытанні рамонту некаторых сельскіх дамоў культуры, так і праблемы з належнай матэрыяльна-тэхнічнай базай. Да таго ж, на Камянеччыне востра не стае спецыялістаў і ў клубнай, і ў бібліятэчнай сферы.
Далей
|
Назад
|
Цікавосткі: варта прачытаць! Гісторыя і лёсы: культура Беларусі ад мінулага да сучаснасці
|