У эпоху вялізных шопінг-молаў рынкі пад адкрытым небам падаюцца атавізмам, які цудам застаўся ад былых часоў. Іх адсоўваюць кудысьці “на выселкі” або наогул зачыняюць. Разам з імі незваротна знікае і надзея на адраджэнне шматвяковых кірмашовых традыцый, якія сталі неад’емнай часткай нашай нематэрыяльнай культуры. У стэрыльна чыстых скрынях гіпермаркетаў ім месца наўрад ці знойдзецца. Кіраўніцтва мінскага Чэрвенскага рынку бачыць выйсце з сітуацыі найперш у вяртанні да той досыць даўняй пары, калі кірмаш быў не толькі гандлёвым (як цяпер), але і сацыякультурным цэнтрам. Па ініцыятыве Беларускага саюза прадпрымальнікаў непасрэдна сярод ралетаў гандляроў рэгулярна ладзяцца святы. Апошняе з іх — на мінулых выхадных — прысвячалася дню нараджэння рынка. А ён, як выявілася, з’явіўся на свет ажно 126 гадоў таму!

У адкрытым фондзе аддзела літаратуры на замежных мовах Гомельскай абласной універсальнай бібліятэкі імя У.І. Леніна адкрылася выстава выданняў з экслібрысамі, на якіх выяўлены савецкі і амерыканскія сцягі з надпісам: To the Heroic Pеople of the Soviet Union from the People of America (Гераічнаму народу Савецкага Саюза ад народу Амерыкі).

Учора ў Мінску з’явілася новае графіці на гістарычную тэму. На моднай у апошнія гады Кастрычніцкай адгэтуль можна ўбачыць постаці Тадэвуша Рэйтана, Самуэля Корсака і Станіслава Багушэвіча-Мінькоўскага — нашых землякоў-літвінаў, якія на Варшаўскім Сойме 1773 года мужна супраціўляліся легітымізацыі першага падзела Рэчы Паспалітай.