18 лютага ў Беларускім дзяржаўным музеі гісторыі Вялікай Айчыннай вайны адбылася выніковая калегія Міністэрства культуры Рэспублікі Беларусь “Аб выніках дзейнасці арганізацый у сферы культуры ў 2020 годзе і задачы на 2021 год”. У мерапрыемстве прынялі ўдзел прадстаўнікі вышэйшых і мясцовых органаў улады, кіраўнікі навучальных устаноў, дзеячы культуры. Адбылася грунтоўная змястоўная размова, дыялог неабыякавых людзей, суразмоўцаў, паплечнікаў. Па завяршэнні работы калегіі дзеячам культуры былі ўручаны ўзнагароды ўрада і Міністэрства культуры.

21 студзеня адбылося пасяджэнне калегіі Міністэрства культуры Беларусі, прысвечанае музейнай справе. Мерапрыемства пад назвай “Аб стане і перспектывах развіцця дзяржаўных музеяў” прайшло ў выязным фармаце ў сценах Замкавага комплексу “Мір”. Натуральна, “К” не магла прапусціць названае пасяджэнне і, разам з удзельнікамі калегіі, папрысутнічала на ім падчас абмеркавання шматлікіх праблем і перспектыўных кірункаў працы айчыннай музейнай галіны.