Першая асацыяцыя з вёскай Мядзведзічы, што ў Ляхавіцкім раёне — гэта, вядома ж, касцёл. Велічны храм у гонар святых апосталаў Пятра і Паўла размешчаны на пагорку, узвышаючыся па-над усім наваколлем і здзіўляючы турыстаў сваім хараством. А між тым, гэтая святыня была збудавана рукамі саміх вяскоўцаў. Яны ж яе і ўратавалі потым ад спусташэння і руйнавання, якога не пазбеглі многія беларускія храмы. Таму гісторыя гэтага касцёла — унікальная.