Пачынаецца праект стварэння анлайн-курсаў па розных аспектах традыцыйнай культуры “Этнаакадэмія”. Арганізатары надзвычай зацікаўленны ва ўдзеле прадстаўнікоў з рэгіёнаў і заклікаюць падаваць заяўкі. Для кіраўнікоў гурткоў, выкладчыкаў, навукоўцаў гэта ўнікальная магчымасць стварыць уласны інтэрактыўны навучальны курс, папулярызаваць свой прадмет, рэгіянальную культуру, урэшце (чаму б і не?) — папіярыць сябе як спецыяліста.

На гэтым тыдні калі не ўсе, то большасць дарог нашай краіны вядуць у яе Паўночную сталіцу — 12 ліпеня ўрачыста адкрыўся 27-ы Міжнародны фестываль мастацтваў “Славянскі базар у Віцебску”. “К” сочыць за яго мерапрыемствамі з першых дзён форуму.

Цвіком праграмы фэсту “Александрыя збірае сяброў”, які распачаўся сёння, традыцыйна стане музычна-тэатральнае прадстаўленне, якое рыхтуе тэлеканал АНТ. Сёлета яно мае назву “Малая радзіма” і прысвячаецца ўсім, хто не згубіў з ёю душэўныя повязі. Як кажа рэжысёр мюзікла Максім СОКАЛ, менавіта ўласныя ўспаміны пра родны куток (што праўда, гэта не малюткая вёсачка, а мінская Чыжоўка ў Мінску, але малая радзіма, вядома, у кожнага свая) дапамаглі яму ў стварэнні новага — і даволі рэдкага для нашых краёў — эстраднага твора буйной формы.