Уздоўж вуліцы Савецкай прапаноўваліся вырабы з керамікі, дрэва, саломкі. Пад час адкрыцця кірмашу ў самым цэнтры Гродна гасцей вітаў пераапрануты ў святога Казіміра акцёр Васіль Ткач, які распавёў пра гісторыю святкавання. А дзяўчаты ў нацыянальных строях раздавалі прысутным выпечку ў выглядзе сэрца. Гэта адбылося пасля таго, як Казімір прамовіў, што аддае сэрца гродзенцам. Арганізатар мерапрыемства Казімір Знайдзінскі зазначыў: “Свята паходзіць з Літвы. Там яго называюць “Казюкас” у гонар разбяра па дрэве, майстра па вырабах з лёну, металу... Ёсць такая традыцыя і ў Польшчы. Таму свята мы ладзім разам з мясцовай уладай і польскай дыяспарай”.
Другую частку Казюкаў адзначаць ўжо заўтра — 9 сакавіка.
Сяргей АПАНОВІЧ
На здымках: Васіль Ткач у ролі святога Казіміра; кірмаш на Савецкай.
Фота аўтара