“Выніковая” пацвердзіла: зберагаючы – развіваць

№ 4 (822) 26.01.2008 - 01.02.2008 г

Пэўна, не дзіўна, а вельмі ж сімптаматычна, што ўжо ў самой тэматычнай вызначанасці калегіі Міністэрства культуры Рэспублікі Беларусь, якая адбылася 23 студзеня, прысутнічалі гэтыя тры важкія словы, вынесеныя намі ў загаловак. Парадак дня калегіі быў сфармуляваны так: “Аб выніках работы Міністэрства культуры ў 2007 годзе і задачах на 2008 год па выкананні галіновай праграмы “Зберажэнне і развіццё культуры Рэспублікі Беларусь на перыяд 2006 — 2010 гг”. Прыняць удзел у шырокай, прынцыповай, дзелавой і канструктыўнай гаворцы аб усім гэтым былі запрошаны прадстаўнікі дзяржаўных органаў кіравання, начальнікі ўпраўленняў культуры аблвыканкамаў і Мінгарвыканкама, аддзелаў культуры гар-, райвыканкамаў, кіраўнікі арганізацый рэспубліканскага падпарадкавання, кіраўнікі абласных арганізацый кінавідэапракату, начальнікі ўпраўленняў і аддзелаў Міністэрства культуры, старшыні рэспубліканскіх творчых саюзаў. На пасяджэнні камісіі прысутнічалі нашы карэспандэнты. Сённяшні нумар “Культуры” прысвечаны гэтай немалаважнай у жыцці культурнай галіны падзеі.