2 студзеня навучэнцы Даўгінаўскай сярэдняй школы, што на Вілейшчыне, за выдатную вучобу і актыўную грамадскую дзейнасць былі заахвочаны паездкай у наш музей. Яны пазнаёміліся з экспазіцыяй, выстаўкамі «Мінск — ведаць, памятаць, ганарыцца!», «Беларусь. Салдаты Перамогі», наведалі «Партызанскі лагер». Экскурсію правёў загадчык навукова-метадычнага сектара, воін-інтэрнацыяналіст Уладзімір Фалецкі.
У водгуку кіраўнік групы Людміла Сяржант адзначыла: «Выказваем шчырую ўдзячнасць усім супрацоўнікам музея за ўвагу, чуласць і паважлівае стаўленне да наведвальнікаў. Верым, што музей будзе заўжды запатрабаваны, бо гісторыю народа нельга забываць!».
На пачатку года ў нас пабывалі і навучэнцы нядзельнай школы аграгарадка «Дастоева» Іванаўскага раёна. Суправаджаў падлеткаў настаяцель прыходу храма Святой Жываначальнай Тройцы іерэй Сергій Шаляговіч.
Мікалай ШАЎЧЭНКА, памочнік кіраўніка Беларускага дзяржаўнага музея гісторыі Вялікай Айчыннай вайны