Мэта творчасці — папулярызацыя беларускага музычнага мастацтва. Таму ў рэпертуары — народныя мелодыі ў апрацоўцы выбітных музыкантаў, у тым ліку — кіраўніка “Сакавінкі” Валянціны Вінаградавай.
Калектыў актыўна выступае ў штогадовым Гарадскім фестывалі беларускай творчасці і фальклору “Бараньскія музыкі”. З поспехам “Сакавінка” ўдзельнічае і ў рэспубліканскіх ды міжнародных праектах: гэта экалагічныя форумы ў Оршы, Дзень беларускага пісьменства, “Дажынкі”, фестываль “Свет мёду”, тэлепраект “Зорны шлях”…
Ансамбль пастаянна пашырае межы гастролей. Апошнія праходзілі ў Славакіі. Удасканальваецца і творчая стратэгія “Сакавінкі”. Цяпер калектыў працуе па трох кірунках: інструментальным, харэаграфічным і вакальным.
Наталля ЛАТЫШАВА, настаўнік ДШМ № 3 Барані
На здымку: ансамбль “Сакавінка”.