Шаноўныя сябры!
За трыццаць гадоў часопіс "Мастацтва" стаў неад’емнай часткай духоўнай прасторы рэспублікі. Гэта ўнікальнае прафесійнае выданне, якое канцэнтруе ўвагу сваіх чытачоў на самых гарачых кропках сучаснага арт-поля. На яго старонках публікуюцца як грунтоўныя аналітычныя артыкулы, так і аператыўныя рэцэнзіі на актуальныя падзеі мастацкага жыцця, — тым самым выданне прадстаўляе шырокую панараму беларускага мастацтва. Часопіс імкнецца захоўваць пазіцыю аб’ектыўнага аглядальніка і трымае руку на пульсе сучаснага арт-працэсу. Крытычныя артыкулы, апублікаваныя ў "Мастацтве", істотна ўплываюць на культурную сітуацыю ў краіне!
Гэта выданне, якое ствараецца прафесіяналамі для прафесіяналаў і неабыякавых аматараў — усіх, хто ўважліва сочыць за самымі значнымі арт-падзеямі. Аўтарамі часопіса з’яўляюцца лепшыя мастацтвазнаўцы краіны, чые меркаванні набываюць значэнне аб’ектыўнай экспертнай ацэнкі. Часопіс не толькі аналізуе творчы працэс — "Мастацтва" вылучае лепшыя набыткі нацыянальнай і сусветнай культуры і спрыяе выхаванню чытачоў на яе ўзорах.
Ад усёй душы жадаю калектыву часопіса прафесійных поспехаў, невычэрпнага творчага натхнення, новых здзяйсненняў, міру і дабра! Няхай і надалей прыбывае ў скарбонцы створанага калектывам выдання за трыццаць гадоў, а сённяшні юбілей надасць імпульс імклівага руху наперад — да новых дасягненняў і поспехаў!
Міністр культуры Рэспублікі Беларусь
Барыс СВЯТЛОЎ