15 студзеня ў Вільнюсе па ініцыятыве беларускага боку адбылася рабочая сустрэча Надзвычайнага і Паўнамоцнага Пасла Рэспублікі Беларусь у Літоўскай Рэспубліцы Уладзіміра Дражына з міністрам культуры Літвы Шарунасам Біруцісам.
Агледзеўшы ўсе аспекты шырокафарматнага культурнага супрацоўніцтва нашых краін, удзельнікі сустрэчы звярнулі асаблівую ўвагу на тэму аховы гісторыка-культурных каштоўнасцей. Гутарка вялася пра неабходнасць сумесных намаганняў у справе іх захавання, аднаўлення і выкарыстання.
Наступным днём, 16 студзеня, адбылася сустрэча Надзвычайнага і Паўнамоцнага Пасла Рэспублікі Беларусь у Латвійскай Рэспубліцы Аляксандра Герасіменкі з міністрам культуры Латвіі Жанэтай Яўнзэме-Грэндэ, пад час якой абмяркоўваўся канкрэтны план супрацоўніцтва на бягучы год.