Яго ўдзельнікі паспаборнічаюць у намінацыях “Лічбавае фота”, “Камп’ютарная графіка”, “Лічбавы жывапіс”, “Відэаарт”, “Музычны відэакліп”, “Анімацыя”, “Рэкламны ролік”, “Кароткі метр”.
Месца правядзення — Галерэйна-выставачны комплекс Нацыянальнай бібліятэкі Беларусі. Галоўны куратар фестывалю — дырэктар комплексу Фёдар Ястраб.
Ён паведаміў нам, што “Terra Novа” ўяўляе з сябе агляд новых тэхнічных магчымасцей у мастацтве: “Лічбавыя тэхналогіі ў той або іншай форме сёння прысутнічаюць ва ўсіх галінах візуальнага мастацтва. Таму для нас наспела патрэба вызначыцца з крытэрыямі прафесіяналізму ў “лічбе”.
Фёдар Ястраб спадзяецца, што ўдзельнікамі “Terra Novа” будуць не толькі маладыя людзі, схільныя да тэхнічных эксперыментаў, але і тыя, у каго моладзь можа павучыцца.