Старадаўнія гістарычныя помнікі і сучаснасць паўстануць на фотаздымках вядучых азербайджанскіх майстроў. Выстаўка аб’ектаў турызму, якая разам з фота змесціцца ў Нацыянальным акадэмічным Вялікім тэатры оперы і балета Беларусі, павялічыць, трэба спадзявацца, цікавасць патэнцыйных падарожнікаў. Фільмы “Дзе адвакат?”, “Заложнік”, “Сцяпняк” можна будзе паглядзець у кінатэатры “Перамога”.
А ў аўторак нас чакае новая рэдакцыя знакамітага балета. Пастаўлены ў 1952 годзе, у 2008-м ён набыў новае лібрэта, і замест звыклай казкі атрымалася прытча. З трагічным фіналам. І з па-ўсходняму тонкім філасофска-сімвалічным зместам, які данясуць артысты Азербайджанскага тэатра оперы і балета імя Мірзы Ахундава.
Н.Б.