У Стаўбцоўскім раёне праходзіла ХІ Абласное свята-конкурс майстроў драўлянай манументальнай скульптуры “Сонечная цеплыня дрэва”.
Пленэр прымеркавалі да 130-годдзя Якуба Коласа і запрасілі на яго разьбяроў з розных раёнаў: гэта Сяргей Дубяга, Алег Шапель, Уладзімір Хіхіч, Іван Васілевіч, Алег Пракарына, Леанід Сенька, Віктар Клунко, Валерый Казлоўскі і Васіль Сілкоў, а таксама аўтар дадзеных радкоў.
Арганізатары прапанавалі для працы асінавыя бярвенні дыяметрам ад 50 см і даўжынёй 4 — 6 метраў. Меркавалася, што скульптуры будуць устаноўлены вертыкальна, але Алег Пракарына стварыў гарызантальную кампазіцыю. Натхнёны падарожжам па Коласаўскіх мясцінах на Стаўбцоўшчыне, ён зрабіў лаву, па баках якой — мініяцюры будынкаў з сядзіб у Мікалаеўшчыне і Акінчыцах.
Арганізатары пленэру — упраўленне культуры Мінаблвыканкама, Мінскі АЦНТ, аддзел культуры Стаўбцоўскага райвыканкама.
Валерый КАЛЯСІНСКІ, скульптар