З 21 па 26 чэрвеня ў Санкт-Пецярбургу праходзіць Міжнародны фестываль творчасці дзяцей з абмежаванымі магчымасцямі "Крок насустрач". Горад у пяты раз прымае творцаў з розных краін, якія займаюцца харэаграфіяй, дэкаратыўна-прыкладным і музычным мастацтвам.
З трох тысяч прэтэндэнтаў журы адабрала найлепшых. Каля паўтысячы фіналістаў будуць выступаць у прэстыжных залах Санкт-Пецярбурга. Беларусь на фэсце прадстаўляюць выхаванцы філіяла Мінскай дзіцячай музычнай школы мастацтваў № 19. Ансамбль акардэаністаў "Асарці" пад кіраўніцтвам Марыны Даросевай скарыў мясцовую публіку прафесійным выкананнем і ўжо чацвёрты раз прымае ўдзел у фэсце. Для нас выступаць у Канцэртнай зале "Акцябрская", якая разлічана на пяць тысяч гледачоў, - вялікі гонар.
Патрыцыя Курганава - выпускніца філіяла ДМШМ № 19 - таксама пастаянная ўдзельніца "Кроку насустрач". Яе незвычайны голас у суправаджэнні лепшых аркестраў Санкт-Пецярбурга літаральна зачароўвае слухачоў!..
Алена МАСЛАВА, загадчык філіяла Мінскай ДМШМ № 19
На здымку: ансамбль "Асарці".