У экспазіцыю, як і мае быць на літаратурнай выстаўцы, увойдуць кнігі ды рукапісы. Акрамя таго, будуць прадстаўлены фотаздымкі і асабістыя рэчы паэтэс. Такога роду выстаўку музей, паводле слоў яго дырэктара Лідзіі Макарэвіч, ладзіць упершыню. Раней праекты распачыналі да юбілейных дат таго або іншага літаратара. “Цяпер мы хочам пазнаёміць наведвальнікаў з літаратурнай з’явай — жаночай паэзіяй”, — кажа яна.
У красавіку — маі экспазіцыяй у музеі будзе ўшанавана выдавецтва “Мастацкая літаратура”, якому сёлета спаўняецца сорак гадоў. У перспектыве — перасоўная выстаўка да 100-годдзя з дня нараджэння Максіма Танка.