Выстаўка з фондаў НММ прадстаўляе творчасць сучасных мастакоў Кітая - Сюй Бэйхуна, Мі Вэнь Цзе, Янь Фэй Хуана, Сяо Юя, - якія працуюць ў традыцыі нацыянальнай жывапіснай школы "гохуа".
Лічыцца, што гэтая тэхніка, у якой выкарыстоўваюцца туш і вадзяныя фарбы, з'яўляецца аднаўленнем жывапісных традыцый Кітая ІІІ - ІІ стст. да н.э. Гохуа блізкая па духу і інструментах, з адпамогай якіх ствараецца, да каліграфіі. Для нанясення фарбаў мастак выкарыстоўвае пэндзлі з бамбука і воўны хатніх ці дзікіх жывёлін. У якасці асновы карціны - шоўк або папера. У апошнія гады гохуа перажывае другое нараджэнне, і пацвярджэннем таму - работы сучасных кітайскіх мастакоў.
Каштоўная калекцыя кітайскага жывапісу Нацыянальнага мастацкага музея складаецца больш як з паўтары тысячы экспанатаў. Дарэчы, унікальныя экзэмпляры да эпохі дынастыі Цынь установа атрымала яшчэ ў 1957 годзе, калі Кітай адным з першых дапамагаў аднавіць згубленыя пад час вайны фонды. Работа майстра Сяо Юя, які ўшанаваў прысутнасцю адкрыццё выстаўкі, стала яшчэ адной бясцэннай каштоўнасцю "беларускай" калекцыі.
Д.А.