Як паведаміла саветнік Пасольства Рэспублікі Беларусь у Літоўскай Рэспубліцы Ірына Зубко, гэтым днём у Вільнюскім эдукалагічным універсітэце быў праведзены "круглы стол" "Ад мінулага да будучага: беларускі музей імя Івана Луцкевіча" і адкрылася фотавыстаўка Леаніда Касабуцкага "Грунвальдская бітва".
Пасля ўрачыстыя мерапрыемствы перамясціліся ў гарадскую ратушу, дзе прайшло пасяджэнне, прысвечанае памяці знакамітых беларусаў - братоў Антона і Івана Луцкевічаў, заснавальнікаў Беларускага музея ў Вільні. А пасля адбылася прэзентацыя кнігі Вікторыі Мурашкене "Я не магу не любіць цябе" - пра першага кіраўніка беларускай дыяспары Літвы Лявона Мурашку, а таксама была прадстаўлена экспазіцыя з прыватнай калекцыі Людвігі Вітушка.
Завяршыліся ж святочныя мерапрыемствы канцэртам ансамбля салістаў Беларускай дзяржаўнай філармоніі "Класік-Авангард".