Нашу дэлегацыю ўзначальваў першы намеснік міністра культуры Рэспублікі Беларусь Уладзімір Карачэўскі. Апрача перамоў аб далейшым творчым супрацоўніцтве паміж дзвюма краінамі, у Ашхабадзе быў зладжаны і шэраг творчых мерапрыемстваў.
Па словах галоўнага спецыяліста аддзела канцэртна-фестывальных праектаў Міністэрства культуры Рэспублікі Беларусь Ірыны Рахвалавай, наша нацыянальнае мастацтва на туркменскай сцэне прэзентавалі вакальны гурт "Чысты голас", ансамбль "Свята", народныя артысты краіны Аляксандр Ціхановіч і Ядвіга Паплаўская.
Беларускі дзяржаўны музей гісторыі Вялікай Айчыннай вайны прывёз у Ашхабад выстаўку, прысвечаную сумеснай барацьбе народаў СССР супраць нямецка-фашысцкіх захопнікаў. Сваю фотаэкспазіцыю прадставіла ў Туркменістане і Беларускае тэлеграфнае агенцтва.