Нагадаем: у жніўні мінулага года Прэзідэнт Рэспублікі Беларусь Аляксандр Лукашэнка ў ходзе афіцыйнага візіту ў Дзяржаву Катар наведаў Музей ісламскага мастацтва ў горадзе Доха. Кіраўнік нашай дзяржавы пакінуў запіс у Кнізе ганаровых гасцей і падарыў музею кнігу "Беларускі ісламскі свет" на беларускай, арабскай і англійскай мовах.
У наступным жа месяцы, у адпаведнасці з Міжурадавай праграмай супрацоўніцтва ў Дзяржаве Катар, што знаходзіцца ў паўднёва-заходняй частцы Азіі, упершыню пройдуць Дні культуры Рэспублікі Беларусь.
У Катары, як запланавана, выступяць Дзяржаўны ансамбль танца Рэспублікі Беларусь, камерны аркестр Рэспубліканскага музычнага каледжа пры Беларускай дзяржаўнай акадэміі музыкі, а таксама адкрыецца фотавыстаўка аб жыцці і прыродзе Беларусі ды будзе прадэманстравана наша кінапраграма.
Плануецца, што вынікам Дзён беларускай культуры ў Катары стане падпісанне дамовы аб далейшым культурным супрацоўніцтве дзвюх краін.