Намеснік дырэктара каледжа па выхаваўчай рабоце Марына Яцкевіч паведаміла "К", што на выстаўцы прадстаўлены самыя разнастайныя па жанрах работы: ад пейзажа да драўлянай скульптуры. Творы захоўваліся цягам дзесяцігоддзя ў метадычным цэнтры ўстановы і з'яўляюцца, так бы мовіць, характэрнымі ілюстрацыямі мастацкіх здабыткаў і пошукаў моладзі...
Нагадаем, Мінскі мастацкі каледж (раней ён называўся - Мінскае мастацкае вучылішча), заснаваны ў 1947-м, - адна з найстарэйшых і найаўтарытэтных сярэдніх спецыяльных устаноў культуры. Менавіта тут вучыліся народныя мастакі краіны Міхаіл Савіцкі, Георгій Паплаўскі, Арлен Кашкурэвіч, Васіль Шаранговіч, Віктар Грамыка, Май Данцыг, Леанід Шчамялёў. Менавіта тут у пасляваенны час пачалося фарміраванне нацыянальнай школы выяўленчага мастацтва...