У выставачнай зале Мінскага абласнога цэнтра народнай творчасці свае работы дэманструюць Марына Скідан, Таццяна Хаберская, Вольга Чаканава, Ірына Ражко, Марыя Кіпілава, Галіна Дзмітрук ды іншыя.
Сёлета ў рамках "Балаганчыка" - дзясятага па ліку - рэалізуецца праект "Японская шкатулка", што праводзіцца пры падтрымцы Японскага культурнага цэнтра. Ён складаецца з экспазіцыі класічных японскіх лялек і цацак, а таксама з работ беларускіх мастакоў на тэму Краіны ўзыходзячага сонца.
Таксама гэтымі днямі ў Галерэі мастацтваў Музейнага цэнтра азербайджанскай сталіцы завяршаецца І Бакінскі міжнародны біенале лялек "Fusion Doll". Беларусь на ім прадстаўляла майстрыха з Мінска - Галіна Дзмітрук - сталая ўдзельніца выставак у рэспубліцы ды замежжы. Усяго ж у біенале прынялі ўдзел дзевятнаццаць майстроў з дзевяці краін.
Кацярына ДЗЕМЯНЧУК