Згодна з Палажэннем аб прэміі, намінант павінен набраць не менш за тры чвэрці галасоў членаў савета. Згаданыя дзве кандыдатуры былі зацверджаны без ваганняў, а вось наконт трэцяй меркаванні падзяліліся. Дыскусіі на пасяджэнні доўжыліся каля трох гадзін. Галасаванне праводзілася тройчы, але вынікаў так і не прынесла. Ніводзін з трох кандыдатаў не атрымаў пераканаўчую большасць галасоў.
І сапраўды, выбар між такімі рознымі- і надзвычай вартымі- прэтэндэнтамі, як знакаміты музыкант Юрый Башмет, спектакль "Вяселле" Нацыянальнага драматычнага тэатра імя Янкі Купалы і калекцыя паўлавапасадскіх хустак "Спадчына", зрабіць зусім не проста. Таму вынік пасяджэння можна расцэньваць як "ганаровую нічыю".