"К" не так даўно пісала пра цудоўныя работы Віктара Нямцова. Не дзіва і тое, што яны дэманструюцца менавіта ў Нацыянальным гістарычным. Матывы з выявамі млыноў з'явіліся ў еўрапейскім жывапісе ў XVII ст. Да іх вобразнага адлюстравання звярталіся і беларусы. Сярод іх - і класікі айчыннага пейзажа канца ХІХ - ХХ стст. Ф.Рушчыц, С.Жукоўскі, В.Цвірка...
Віктар Нямцоў - адзіны з сучасных мастакоў, які мэтанакіравана адлюстроўвае старыя драўляныя і каменныя млыны ў сваіх пейзажах. Ён займаецца вывучэннем ветракоў і вадзяных млыноў у розных рэгіёнах Беларусі. Аўтар робіць гісторыкажывапісную рэканструкцыю.