Адбыліся сустрэчы кіраўнікоў кантрольных органаў дзвюх краін у Мінску, латвійскую дэлегацыю прыняў Старшыня Савета Рэспублікі Нацыянальнага сходу краіны Анатоль Рубінаў.
А ў культурнай сферы якраз на гэтым тыдні ацаніць даробак мастакоў прыбалтыйскай краіны змаглі гамяльчане. У горадзе над Сожам у рамках акцыі "Культурная сталіца Беларусі і СНД-2011" пры падтрымцы Міждзяржаўнага фонду гуманітарнага супрацоўніцтва дзяржаў - удзельніц Садружнасці адбылося адкрыццё новай выстаўкі. У Гомельскім палацава-паркавым ансамблі цягам месяца будуць прадстаўляць сучаснае латвійскае мастацтва ў работах мастачкі Інгрыды Ірбе і фатографа Юрыса Шульца. Дарэчы, з творамі апошняга гамяльчане паспелі пазнаёміцца яшчэ ў рамках "Ночы музеяў-2009".
Што ж адлюстроўваюць работы? Уязбярэжжа Балтыйскага мора, прыгожыя краявіды, незвычайную архітэктуру - ад сярэднявечных замкаў і вулачак у Старой Рызе да выкшталцоных дамоў у югендстылі, - а таксама - саміх латышоў. Дарэчы, Гомель з'яўляецца горадам-пабрацімам латышскай Ліепаі. Таму адкрыццё латвійскай выстаўкі - чарговы крок ва ўмацаванні двухбаковых стасункаў.