Адметна, што шэраг акцый адбудзецца і ў гарадах, што сёлета набылі статус Культурных сталіц СНД - Гомелі і Ульянаўску.
Сярод іншых падзей, вылучаюцца мерапрыемствы пад адкрытым небам - Летнія школы археолагаў краін СНД. Літаральна днямі чарговая іх змена адкрылася ў Азербайджане, Кыргызстане, Малдове. Як паведамляюць у МФГС, у Малдове, апрача мясцовай моладзі сабраліся археолагі-пачаткоўцы з Беларусі, Казахстана, Кыргызстана, Малдовы, Таджыкістана, Расіі. Яны будуць даследаваць помнікі мінуўшчыны ў мікразоне "Трынка" на паўночным захадзе краіны. "Стварэнне шмаграннага ўяўлення аб археалогіі і прафесіі археолага магчымае толькі шляхам прыцягнення зацікаўленых студэнтаў да працы ў комплексных экспедыцыях ", - мяркуе кіраўнік школы, дырэктар Археалагічнага цэнтра Інстытута культурнай спадчыны Алег Лявіцкі.
Сярод найбольш знакавых мерапрыемстваў у рамках Года гісторыка-культурнай спадчыны ў СНД, што чакаюцца ўвосень, варта назваць VI Форум творчай і навуковай інтэлегенцыі і ўручэнне прэміі "Садружнасць дэбютаў" у Кіеве, Міжнародны семінар-трэніг па пытаннях спадчыны ў Алматы. Будуць працягвацца і пошукавыя работы, якія распачаліся ў рамках праекта "Вахта Памяці краін СНД-2011".
Да Года гісторыка-культурнай спадчыны прымяркуе восеньскія гастролі Маладзёжны сімфанічны аркестр Садружнасці.