Па словах мастака - афарміцеля выстаўкі Вольгі Емялёвай, часцей за ўсё прыносяць фотаздымкі, кнігі, пасведчанні аб заканчэнні вучобы, але сярод экспанатаў можна ўбачыць і сапраўдныя рарытэты, такія, як падручнік 1940-х гадоў па гісторыі СССР на беларускай мове, чарнільніца, піянерскія значкі, каўнерыкі, глобус і нават дзіркакол 30-х гадоў...
Цікавую гісторыю распавяла адказная за падбор экспанатаў Дар'я Чайка. Паводле яе слоў, раней у школах існавала такая традыцыя: 1 верасня выпускнікі робяць першакласнікам падарункі (кнігі, алоўкі), а малыя ім у адказ дораць кветкі. "Так, на мінулым тыдні адна жанчына прынесла нам фотаздымкі, дзе яна, маленькая, дорыць букет выпускніцы, і дзе яна, сама ўжо выпускніца, побач з першакласнікамі. Больш за тое: у якасці экспаната яна прынесла яшчэ і тую, сваю самую першую, маленечкую школьную форму", - адзначыла Дар'я Чайка.
Відавочна, будучы выставачны праект, што мае адкрыцца 1 верасня, зацікавіць і тых, хто з настальгіяй успамінае школьныя дні, і нават тых, хто не ведае: спісваць можна не толькі з мабільных тэлефонаў!..
Надзея ПЯКАРСКАЯ,
студэнтка Інстытута журналістыкі БДУ