Тут размесціцца сцэна. |
Натуральна, не абыходзіцца без хуткацечных канфліктаў і спрэчак, у выніку якіх не нараджаецца, а мэтанакіравана ажыццяўляецца ісціна, — Оперны трэба здаць у эксплуатацыю згодна з графікам. Дарэчы, больш за 30 мільярдаў рублёў, выдаткаваных па плане 8 месяцаў на рэстаўрацыю і рэканструкцыю тэатра, асвоены ў поўным аб’ёме.Дальбог, Іосіф Лангбард быў бы расчулены, калі б пабачыў пазалоту столевай ляпніны ў фае першага яруса ці шыкоўны плітачны арнамент падлогі ў адміністрацыйных
Балетна-рэпетыцыйная зала першага пускавога комплексу. |
Старшыня штаба, намеснік міністра культуры РБ У.Грыдзюшка даводзіць на пасяджэнні, якое адбылося 6 верасня, што першы пускавы комплекс — палова адміністрацыйна-гаспадарчых і рэпетыцыйных памяшканняў — практычна гатовы да здачы ў эксплуатацыю. Сюды перамяшчаюцца оперная і балетная трупы. Вызваляецца другі пускавы комплекс — другая палова адміністрацыйна-гаспадарчага корпуса, хоць выбарачныя работы на ім ужо распачаты. Найпершая задача: управіцца да зімы з цеплавым контурам, развесці ўсе камунікацыі, запоўніць аконныя праёмы...
Справа рухаецца і на трэцім пускавым — глядзельная зала і памяшканні тэхзабеспячэння
Аздабленне фае на трэцім паверсе. |
Як распавядае прадстаўнік генпадрадчыка К.Белавец, намеснік гендырэктара ЗАТ “НВА “Эльвіра” па вытворчасці, наколькі унікальны будынак тэатра, настолькі адмысловыя і работы на ім — і інжынерна-будаўнічыя, і аддзелачныя. Колер фасадаў такі ж, як і ў праекце Лангбарда. Побач — ужо гатовая аўтамабільная стаянка. Зроблены кветнікі. Як ні цесна на прылеглых да будынка тэрыторыях, але ніводны дубок у оперным скверы не пацярпеў.
Выгляд новай білетнай касы, суперсучасныя парэнчы на лесвіцах адміністрацыйнага будынка, высокамастацкая тынкоўка сцен у калідорах з выкарыстаннем самых апошніх аддзелачных матэрыялаў яскрава пераконваюць, што новы змест выгодна падкрэслівае старую акадэмічную форму. Нават чатыры оперныя люстры (у тым ліку і з галоўнай залы), зношаныя з 1930-ых гадоў ушчэнт, таксама будуць узноўлены з сучасных матэрыялаў і па апошніх тэхналогіях.
Андрэй СТАРЖЫНСКІ
Фота Андрэя СПРЫНЧАНА