- Міністэрства культуры, дырэктары метадцэнтраў ды супрацоўнікі Інбелкульта - партнёры, - адзначае намеснік міністра культуры Рэспублікі Беларусь Тадэуш Стружэцкі, - і неабходна, каб гэтае партнёрства было рэгулярным, пастаянным і плённым. Сёння перад намі стаіць задача развівацца, прапаноўваць аўдыторыі паслугі сённяшняга дня, а таксама арыентавацца на дзень заўтрашні...
Савет будзе каардынаваць дзейнасць навукова-метадычных цэнтраў у рэгіёнах, дапамагаць вырашаць складаныя працоўныя пытанні. Неабходна таксама наладзіць супрацоўніцтва і з замежнымі арганізацыямі, каб паступова пачаць працаваць згодна з міжнароднымі стандартамі.
У склад Савета ўвайшлі дырэктары ўсіх абласных метадычных цэнтраў і г. Мінска, прадстаўнікі Міністэрства культуры, Інбелкульта, а старшынёй яго абраны дырэктар Магілёўскага АМЦНТ і КАР Алег Хмялькоў.
У гутарцы з карэспандэнтам "К" ён паведаміў: "У нашай краіне існуе не так ужо і мала кансультатыўных саветаў па агульных пытаннях, а менавіта гэты зарыентаваны на вузкі і, ў той жа час, вельмі аб'ёмны пласт культуры - народную творчасць. Калі мы будзем надаваць увагу найбольш актуальным пытанням, абмяркоўваць іх вузкім колам спецыялістаў, упэўнены: працаваць будзе лягчэй".
Пра перспектывы дзейнасці Рэспубліканскага савета дырэктараў метадцэнтраў народнай творчасці чытайце ў бліжэйшых нумарах "К".