Краевугольным "каменем спатыкнення" для рэльефнага разумення сэнсу, своеасаблівай плённай, "падзвіжніцкай" творчасці Лявона Іванавіча стала тэхнагенная катастрофа ХХ стагоддзя - Чарнобыль, у ліквідацыі якой ён прымаў удзел у складзе грамадзянскавайсковых фарміраванняў, за што мае дзяржаўную ўзнагароду.
Цягам гадоў творца працягваў паранейшаму самааддана, пранікнёна апяваць праз фарбы дасканаласць і прыгажосць навакольнай прыроды, увабраўшы ў сваёй працы "адвечныя" біблейска-"новазапаветныя" сакральныя ісціны... Таму сузіраць ягоныя палотны адначасова і лёгка, і складана.
Лявон Грышук - сталы саўдзельнік шматлікіх групавых мастакоўскіх краязнаўчых пленэраў, аб'ездзіў з вандроўкамі, уважліва вывучаючы культурна-гістарычную спадчыну роднага краю, бадай усю Беларусь! Бадзёра-аптымістычная энергетыка яго сціплых, камерных, разняволена-лірычных пейзажаў узрушае, зачароўвае!
Цэнтральнае месца на выстаўцы займае разгорнуты, унікальны, "прачулы" алегарычна-сімвалічны цыкл карцін па матывах сюжэтаў сінкрэтычных, павучальных біблейскіх прытчаў, над чым мастак мэтанакіравана працуе з захапленнем цягам вось ужо амаль дзесяці гадоў, а таксама створаны ім шэраг "імправізаваных" кампазіцый-эскізаў на тэмы гераічнай мінуўшчыны Бацькаўшчыны, розных будзённых, асабістых падзей, праблем чалавека сённяшняга часу...
А.Р.