- Паміж двума міністэрствамі культуры падпісана пагадненне аб супрацоўніцтве на 2011 - 2013 гады. Вялікай папулярнасцю карысталіся нашы мастацкія стужкі "Анастасія Слуцкая", "Масакра", "Рыжык у Залюстэраччы" і іншыя. Беларускія кінадакументалісты былі запрошаны на Армянскае тэлебачанне.
З не меншымі аншлагамі ў Музеі народнай творчасці прайшлі выступленні і майстар-класы беларускіх майстроў: ганчароў, ткачоў, саломкапляцельшчыкаў... Музей сучаснага выяўленчага мастацтва Беларусі прадставіў экспазіцыю "Ювелірыка", дзе можна было пабачыць творы з эмалі і ювелірныя ўпрыгожанні.
Па словах Уладзіміра Карачэўскага, пасля выступленняў вакальнай групы "Чысты голас", акардэаніста Ігара Квашэвіча і Дзяржаўнага ансамбля танца Беларусі гледачы выказвалі самую шчырую падзяку. "Чысты голас" атрымаў прапанову аб гастролях у Арменіі.
Выступленні нашых творцаў, адзначым, адбыліся не толькі ў Ерэване, але і ў рэгіёнах гасціннай рэспублікі.