Міністр ды іншыя ўдзельнікі падзеі ўсклалі кветкі да помніка класіку ля Нацыянальнага акадэмічнага Вялікага тэатра оперы і балета краіны. Павел Латушка сказаў у сваім слове, якую вялікую вагу маюць для яго вершы паэта. Паэтычная імпрэза "Скрозь памяць далёкіх гадоў" аб'яднала тут жа паэтаў і празаікаў краіны, якія таксама агучылі вершаваныя радкі класіка. А крыху пазней у саборы Святых Пятра і Паўла адбылася памінальная служба па паэце.
У гэты дзень ахвотныя маглі без білетаў наведаць экспазіцыю Літаратурнага музея М.Багдановіча і стаць удзельнікамі вандроўкі ў "Краіну светлага суму". Па словах арганізатараў, гэта было не традыцыйнае выступленне музейшчыкаў перад публікай, а інтэрактыўная імпрэза, пад час якой гледачы даведаліся пра асноўныя падзеі ў жыцці Багдановіча.