Па словах Упаўнаважанага па справах рэлігій і нацыянальнасцей Леаніда Гулякі, знаёмства прадстаўнікоў айчынных СМІ з міжнацыянальнымі і міжканфесійнымі адносінамі ў Рэспубліцы Беларусь будзе працягвацца і ў далейшым, у тым ліку праз падобныя курсы павышэння кваліфікацыі.
У межах курса "Міжнацыянальныя і міжканфесійныя адносіны ў Рэспубліцы Беларусь", напаўненнем якога займаліся спецыялісты апарата Упаўнаважанага па справах рэлігій і нацыянальнасцей, у прыватнасці, адбыліся сустрэчы са старшынёй грамадскага аб'яднання "Мінскае гарадское армянскае культурна-асветніцкае таварыства" "Айастан" Георгіем Егіязаранам, прадстаўнікамі іншых канфесій і рэлігійных аб'яднанняў на Беларусі, а таксама з супрацоўнікамі Нацыянальнай акадэміі навук Беларусі.
У межах практычных заняткаў удзельнікі спецыяльнага курса змаглі падрабязней даведацца пра сацыяльную значнасць працы Дома міласэрнасці, працу Беларускага таварыства па сувязях з суайчыннікамі за мяжой "Радзіма" ў плане ўзаемадзеяння з арганізацыямі беларусаў замежжа.