А гэтымі днямі жыхары краіны актыўна набываюць білеты на канцэрты фэсту. Упершыню яны атрымалі магчымасць забраніраваць іх у Сеціве, і, па словах касіраў Канцэртнай залы "Віцебск", публіка ахвотна карыстаецца магчымасцю: "Людзі вельмі задаволены такім зручным спосабам продажу".
Асаблівай папулярнасцю карыстаюцца білеты на канцэрт урачыстага адкрыцця фестывалю, што адбудзецца 8 ліпеня. За лепшыя месцы ў віцебскім Амфітэатры гледачы аддаюць 400 - 450 тысяч рублёў, самыя ж танныя абыходзяцца ў 160 тысяч. Таксама публіка жадае трапіць на сольныя канцэрты вядомых артыстаў, такіх, як Валерый Меладзэ, Алена Ваенга ды іншых...
Акрамя інтэрнэт-рэсурсу, які прапануе зручны варыянт пакупкі і дастаўкі білетаў не толькі для віцябчан, але і для іншагародняй публікі, у горадзе працуюць пяць кас. Каб трапіць на цікавыя канцэрты, варта паспяшацца!