Начальнік упраўлення культуры Віцебскага аблвыканкама Уладзімір Цярэнцьеў паведаміў "К", што на апошнім пасяджэнні штаба прысутнічалі старшыня Віцебскага гарвыканкама Віктар Нікалайкін і генеральны дырэктар Дырэкцыі Міжнароднага фестывалю мастацтваў "Славянскі базар у Віцебску" Радзівон Бас.
Як вядома, Канцэртная зала "Віцебск" - адзін з паўтара дзясятка аб'ектаў культуры горада, што напоўніцу будзе задзейнічаны пад час "Славянскага базару...". Кожны з іх цяпер актыўна рыхтуецца да фестывалю. Але асноўныя работы вядуцца на КЗ "Віцебск", дзе штодня працуе па 120 будаўнікоў-рамонтнікаў. З мая работы будуць наладжаны ў дзвюхзменным рэжыме.
Сёння, як паведаміў начальнік упраўлення культуры, у абласным цэнтры праходзіць чарговы суботнік з удзелам старшыні Віцебскага аблвыканкама Аляксандра Косінца. Усё натуральна: Віцебск рыхтуецца не толькі да фествальнага свята, але і да Дня горада, што будзе адзначацца 25 чэрвеня.