Гэты жанр быў адным з найпрывабных і ў эпоху Адраджэння, і ў больш познія часы. Аднак свету нацюрморт паказаў свае новыя бліскучыя грані на пачатку ХХ ст., а ў Беларусі - у другой яго палове, пра што яскрава расказвае сённяшняя экспазіцыя нацюрморта ў Нацыянальным мастацкім музеі Беларусі.
Цяпер жа, у Палацы мастацтва, прадстаўлены нацюрморты, аўтарамі якіх з'яўляюцца нашы таленавітыя творцы: ад В.Цвіркі, А.Малішэўскага, Г.Вашчанкі, В.Жоўтак, Я.Радзялоўскай да М.Селешчука, Г.Скрыпнічэнкі, С.Катковай; ад А.Паслядовіч, Р.Кудрэвіч, Б.Аракчэева да У.Савіча, В.Клімушкі, Ю.Якавенкі, Э.Рымаровіча...
Словам, наведвальніку ёсць што паглядзець і атрымаць вялікую асалоду ад хараства гэтага жанру, бо ў ім, у нацюрморце, ёсць жывая, трапяткая душа яго стваральнікаў, не абмежаваная ніякімі акадэмічнымі схемамі і тэматычнымі шчамлёткамі. Сёння беларускі нацюрморт - не "мёртвая натура", не "ціхае жыццё", а ў поўным сэнсе - карціна пра нашу рэчаіснасць, пра тое, як і чым мы жывём на гэтым белым свеце, што нас радуе, хвалюе, прыцягвае ў прыродзе, дома, "на міру"...