- Сёння мы распрацоўваем праграму мерапрыемстваў, якія маем намер ажыццявіць напрыканцы сакавіка, - адзначыў ён. - Гэтая даволі вялікая зала - на 500 месцаў - прызначана для канцэртаў акадэмічнай музыкі. Першым сцэну апрабаваў Аркестр народных інструментаў імя Л.Іванова пад кіраўніцтвам Мікалая Алданава. Выступленне калектыву адбылося на адкрыцці пляцоўкі, акурат да 8 Сакавіка.
Размясцілася зала ў будынку Магілёўскага абласнога метадычнага цэнтра народнай творчасці і культурна-асветніцкай працы. Мастацкі кіраўнік Нацыянальнага акадэмічнага народнага хору імя Г.Цітовіча, народны артыст Беларусі Міхась Дрынеўскі перад афіцыйным адкрыццём адзначыў, што акустыка тут выдатная. А хутка ў ёй выступяць і тэатралы - у межах Міжнароднага маладзёжнага фестывалю "М.@rt.кантакт". Гледачы пабачаць у Канцэртнай зале "Магілёў" тры пластычныя спектаклі ад тэатраў з Берліна, Вільнюса і Мінска.
Гарадскія ўлады ўпэўнены, што пры правядзенні дадзенага форуму будуць патрэбныя яшчэ адна сцэна для арганізатараў і дадатковыя месцы для гледачоў. Па меркаванні Анатоля Сінкаўца, эканоміка фестывалю дзякуючы гэтаму палепшыцца, і кошт білетаў на спектаклі ў новай зале зменшыцца.
На здымку: Магілёўскі абласны метадычны цэнтр народнай творчасці і культурна-асветніцкай працы.