Па ўсёй Беларусі ў гэты дзень пройдуць ўрачыстыя мерапрыемствы, прысвечаныя 22-й гадавіне вываду савецкіх войск з Дэмакратычнай Рэспублікі Афганістан.
Цэнтрам урачыстасцей стане знакаміты Востраў Слёз у Мінску. Па традыцыі, ля манумента ў памяць 771 воіна-інтэрнацыяналіста, што загінулі за межамі Беларусі, будуць ускладзены вянкі і жывыя кветкі, а таксама адбудзецца жалобны мітынг-рэквіем з удзелам прадстаўнікоў улады і ветэранаў афганскай вайны.
У сталічнай Мастацкай галерэі твораў Л.Шчамялёва днямі адкрылася выстаўка работ фатографа Ігара Пешахонава "Думка беларуская". Аўтар - воінінтэрнацыяналіст, які правёў паўтара дзясятка экспазіцый на афганскую тэму.