Дэкаратыўна-прыкладное мастацтва, архітэктура (у выглядзе макетаў храмаў), развіццё пісьменства, кніжныя традыцыі беларусаў, а таксама абрады, святы, вучэнні прадстаўнікоў іншых народаў на тэрыторыі краіны прадстаўлены тут. Самыя старажытныя экспанаты сведчаць пра архаічныя вераванні пачынаючы ад IV тыс. да н. э
. Іконы, старадрукі, хромалітаграфіі, даследаванні распавядаюць пра зараджэнне і развіццё праваслаўя, каталіцызму, ісламу ды іудаізму, атэізм і сучаснае стаўленне да рэлігіі насельнікаў Беларусі.
Па словах Ігара Ганчарука, пры стварэнні экспазіцый супрацоўнікам музея дапамагалі гісторыкі, архітэктары, археолагі, мастацтвазнаўцы з Гродна, Мінска, а таксама - з гарадоў Расіі і Польшчы. "Мы ў сваёй працы імкнуліся паказаць тое, што нас аб'ядноўвае: вечныя духоўныя каштоўнасці, культуру", - дадаў ён. У наступным годзе чакаецца адкрыццё яшчэ чатырох экспазіцыйных залаў. Нагадаем, што ўсяго ў Музеі гісторыі рэлігіі іх 11.
С.Ю.
На здымках: Дзяржаўны музей гісторыі рэлігіі ў Гродне; герб горада над Нёманам з фасада будынка.