12 студзеня спаўняецца 70 гадоў з дня нараджэння Вялікага Песняра

12 студзеня спаўняецца 70 гадоў з дня нараджэння Вялікага Песняра — народнага артыста СССР, народнага артыста Беларусі Уладзіміра Мулявіна. У гэты дзень, паводле традыцыі, у Белдзяржфілармоніі адбудзецца канцэрт “Незабыўнае”, прысвечаны майстру. Гэтым разам у цэнтры праграмы — не толькі песні з рэпертуару “Песняроў” (і пададзеныя паасобку, і сплеценыя ў дзве “фантазіі на тэмы”), але і рок-опера “Гусляр”, што ў свой час замацавала супрацоўніцтва Уладзіміра Георгіевіча з кампазітарам Ігарам Лучанком. Выконваць усе гэтыя творы будзе Нацыянальны акадэмічны народны аркестр Беларусі імя І.Жыновіча пад кіраўніцтвам народнага артыста краіны, прафесара Міхаіла Казінца. Аўтарам жа адноўленых рэдакцый, пералажэнняў і Фантазій, а таксама дырыжорам часткі канцэрта выступіць Аляксандр Крамко. Новы твор да 70-годдзя Песняра прадстаўляе і сталы “зорны” тандэм Алега Елісеенкава і Аляксандра Саладухі.