Калекцыя мастацкіх работ Ю.Пэна займае асаблівае месца ў зборах Віцебскага абласнога краязнаўчага музея: 166 жывапісных і 17 графічных работ складаюць самую вялікую ў свеце музейную калекцыю твораў гэтага мастака. Для дэманстрацыі ў сённяшняй экспазіцыі ўстанова прадставіла 23 карціны, сярод якіх найбольшую ўвагу выклікаюць пейзажныя эцюды.
На выстаўцы таксама экспануюцца паштоўкі з фондаў Нацыянальнага гістарычнага музея Рэспублікі Беларусь з краявідамі Віцебска пачатку ХХ стагоддзя.