Як паведаміла "К" начальнік аддзела культуры Ганцавіцкага райвыканкама Ірына Марцінкевіч, у горадзе ўсё падрыхтавана да ўрачыстага прыёму гасцей з Мінска. Выступленне творчага калектыву пройдзе ў актавай зале Гарадскога дома культуры, і амаль усе білеты ўжо практычна прададзены.
Па словах Ірыны Марцінкевіч, жыхары горада вельмі чакаюць выступлення Дзяржаўнага ансамбля танца Беларусі ў рамках першага этапу акцыі "Майстры мастацтваў - землякам". І, як упэўнена начальнік аддзела культуры, гараджане не застануцца расчараваныя.