Літаральна днямі Прэзідэнт Рэспублікі Беларусь Аляксандр Лукашэнка пабываў у Мазырскім і Жыткавіцкім раёнах Гомельшчыны. Апошні, дарэчы, ужо двойчы прымаў гасцей і ўдзельнікаў Дня беларускага пісьменства ў старадаўнім Тураве (у 1995 і 2004 гадах) і суседнічае з сёлетнім цэнтрам святкаванняў - Хойнікамі...
Зямля прыпяцкая сёння сапраўды ў пільным фокусе ўвагі грамадства нашай краіны. Дзяржаўная праграма сацыяльна-эканамічнага развіцця і комплекснага выкарыстання прыродных рэсурсаў Прыпяцкага Палесся на 2009 - 2015 гг., ініцыяваная беларускім Лідарам, працуе ўжо ця пер: на новы ўзровень свайго развіцця выходзяць гарады, сваё сучаснае, аграгарадоцкае, аблічча прымаюць вёскі... За кожным крокам выканання Дзяржпраграмы сочыць непасрэдна Кіраўнік дзяржавы, пастаянна наведваючы рэгіён.
"Палессе - праект іміджавы, праз які Беларусь можа заявіць пра сябе на ўвесь свет", - падкрэсліў у адным са сваіх выступленняў Аляксандр Лукашэнка.
Кожная рабочая паездка Прэзідэнта - не толькі наведванне найбуйнейшых прадпрыемстваў. Гэта таксама - абавязковыя сустрэчы з жыхарамі гарадоў і вёсак пэўнага раёна. Адна з такіх сустрэч прайшла ў Рэчыцкім раёне, што суседнічае з Хойніцкім.