Што да дэфіцыту творчых кадраў, то, на мой погляд, з патэнцыйнымі аўтарамі павінна весціся паўнавартасная "селекцыйная" праца. Разумець гледача можа чалавек толькі з вельмі развітай інтуіцыяй, якая, напрыклад, была ў Міхаіла Пташука. Вось менавіта такіх рэжысёраў і трэба "гадаваць" на студыі. І апошняе, але, бадай, галоўнае. Нашым сродкам масавай інфармацыі, найперш - тэлебачанню, трэба як мага больш прапагандаваць айчыннае кіно, надаваць сваёй працы ў гэтым накірунку сістэмны характар, а не ствараць, фактычна, рэкламу замежным кінавытворцам, што мы можам назіраць у пэўных тэлепраграмах на тэму кіно.