Адбудзецца, да прыкладу, прэзентацыя "сацыяльнага таксі" для людзей з абмежаванымі магчымасцямі. Гэтая ініцыятыва Мінгарвыканкама, па словах Уладзіміра Анціповіча, аналагаў на постсавецкай прасторы не мае...
Святочныя мерапрыемствы распачнуцца традыцыйнай цырымоніяй уручэння ўзнагарод "Мінчанін года" і канцэртам у Нацыянальным акадэмічным Вялікім тэатры оперы і балета. Але ў традыцыйным рэчышчы свята шмат і эксклюзіўных знаходак. Адна з іх - дзея "Мінскі дворык", што адбудзецца ля Музея гісторыі горада Мінска. Тут мяркуецца прэзентаваць касцюміраванае тэатральнае прадстаўленне, выстаўкі народнага фотаклуба "Мінск" і дэкаратыўнапрыкладнога мастацтва.
Дарэчы, дэвіз свята - "Мой родны Мінск - мой лёс, мая надзея!". Менавіта так будзе называцца праграма Нацыянальнага канцэртнага аркестра Беларусі пад кіраўніцтвам Міхаіла Фінберга, што прагучыць ля Нацыянальнай бібліятэкі Беларусі.
А ля Нацыянальнага акадэмічнага Вялікага тэатра оперы і балета 12 верасня адбудзецца канцэрт салістаў беларускай оперы "Гэта - класіка".
Святочныя мерапрыемствы, натуральна, пройдуць 11 - 12 верасня ва ўсіх раёнах сталіцы.