На пытанне адказваюць супрацоўнікі ўпраўлення капітальнага будаўніцтва і матэрыяльна-тэхнічнага забеспячэння:
- Паведамляем, што да кожнага СДК вёсак Іванаўка (знаходзіцца ў межах г. Хоцімска), Ельня, Максімаўка, Бяседавічы, паводле інфармацыі сельвыканкамаў, прыпісана каля 400 грамадзян, якія дасягнулі ўзросту, што дазваляе ім удзельнічаць у выбарах. Акрамя таго, ёсць непаўналетнія, дзеці школьнага і дашкольнага ўзросту. Зыходзячы з гэтага, тлумачым, што, у адпаведнасці з патрабаваннямі "Агульных правілаў пажарнай бяспекі для грамадскіх будынкаў і збудаванняў. ППБ 1. 04 - 2002", усе аб'екты павінны забяспечвацца тэхнічнымі сродкамі проціпажарнай абароны (далей - ТСППА). Рэалізацыя гэтых патрабаванняў прад'яўляецца паводле Дзяржаўнага стандарту 12. 4009. "Сістэма стандартаў бяспекі працы. Пажарная тэхніка для засцярогі аб'ектаў".
Правілы пажарнай бяспекі для ўстаноў культуры "ППБ 2. 12 - 2002" адносяць будынкі і аб'екты культуры (у тым ліку і бібліятэкі) да класаў функцыянальнай бяспекі Ф- 2 без пазначэння колькасці асоб, што іх наведваюць. Разам з тым, гэты клас вызначае ўкараненне аўтаматычнай проціпажарнай абароны або капітальны рамонт ТСППА, якія маюцца.
У планах працы бібліятэк адлюстраваны такія масавыя мерапрыемствы, як чытацкія канферэнцыі, абмеркаванне артыкулаў перыядычных выданняў, гучныя чытанні, правядзенне адзіных дзён інфармавання ды іншыя, што дазваляе лічыць іх аб'ектамі з масавым знаходжаннем людзей.