Пасля полацкай экспазіцыі выстаўка пераедзе ў Вільнюс, дзе пройдуць Дні культуры Рэспублікі Беларусь у Літоўскай Рэспубліцы.
Яшчэ адна буйная падзея пройдзе у Полацку з 30 ліпеня па 13 жніўня. Як паведамляе "К" дырэктар Полацкага гісторыка-культурнага музея-запаведніка Вольга Бародзіч, гэта будзе Першы Міжнародны жывапісны пленэр пад назвай "Artego". Ён збярэ знакамітых мастакоў з Беларусі, Расіі, Германіі, Швецыі, Латвіі ды іншых краін. Вынікам гэтага мерапрыемства стане выстаўка работ, што адкрыецца ў горадзе і будзе доўжыцца амаль паўтара месяца.
Апрача гэтага, напрыканцы лета ў горадзе над Палатой пройдзе Фестываль творчых калектываў мастацкай самадзейнасці Віцебскай вобласці.
Вольга ГРЫЦУК, студэнтка Інстытута журналістыкі БДУ