Галоўны мастак прадпрыемства Вольга Падліпалава паведамляе "К", што сёлета змянілася тэхналогія вырабу "Хрустальных буслоў", а значыць, змяніўся і іхні дызайн: птушка па-ранейшаму застанецца лёгкай і грацыёзнай, але змешчана будзе ў вытанчанай хрустальнай арцы.
Колькасць "Хрустальных буслоў" адпавядае колькасці асноўных конкурсных намінацый: "За лепшы фільм фестывалю", "За лепшую мужчынскую ролю", "За лепшую жаночую ролю", "За лепшую рэжысуру", "За лепшы сцэнарый", "За лепшае музычнае афармленне" і "За лепшае выяўленчае вырашэнне". Акрамя гэтага, на цырымоніі закрыцця мяркуецца ўручэнне дадатковых хрустальных прызоў.