Прычына - няма мудрых, апантаных, дасведчаных рэдактараў, якія разбіраліся б у музыцы і літаратуры (як, дарэчы, і саміх музычных рэдакцый, што калісьці існавалі на радыё і тэлебачанні). Вядома, у свой час хацелася разбурыць каноны, адысці ад стэрэатыпаў. Чым далей, тым больш зразумела, што для развіцця жанру патрэбны прафесійны падыход, скіраваны на "адбор і адсеў". Як толькі ў кагосьці з творцаў, артыстаў перастануць браць песні ў эфір, тыя адразу пачнуць шукаць штосьці новае- тое, што возьмуць. Вось чаму так важна трымаць планку!
Зразумела, у FM-станцый- свае задачы, камерцыйны падыход. Але ёсць жа дзяржаўнае тэлебачанне! Таму - хай будзе многа ўсяго і рознага. Як кажуць, кожнаму - сваё. Але павінна быць і тое, што называецца "звышзадачай". Тое, што працуе не на хуткі грашовы прыбытак, а на доўгатэрміновае развіццё культуры.