У красавіку ён зрабіў першы выезд. Маршрут пралёг у Кароцічы, дзе няма стацыянарнай установы культуры. У дарогу выправіліся народны фальклорны калектыў "Журавушка" Адвержыцкага дома фальклору, дырэктар Манькавіцкага СДК Алена Ражко і мастацкі кіраўнік гэтай установы Уладзімір Антановіч. Паслухаць артыстаў сабраліся і дзеці, і людзі сталага веку. Народныя песні, прыпеўкі, байкі- усе нумары канцэртнай праграмы ўспрымаліся вяскоўцамі "на ўра". Надзвычай эмацыцянальныя гледачы пад мелодыі вальса і полькі пайшлі ў скокі. - Культурнае абслугоўванне населеных пунктаў, дзе няма клубных устаноў,- адна з нашых асноўных задач,- кажа загадчык аўтаклуба Ганна Шушко, нядаўняя выпускніца Пінскага вучылішча мастацтваў, а цяпер студэнтка Універсітэта культуры і мастацтваў.- А яшчэ - зберажэнне і развіццё здабыткаў культуры раёна, удасканаленне аматарскай творчасці і падтрымка талентаў. Плануецца, што аўтаклуб будзе выязджаць у маланаселеныя вёскі раёна штотыднёва.
Галіна ГАШЧУК На здымку: аўтаклуб наведаў Кароцічы.